Ek cup chai hai?

Thand thi

Rah mein khada ek mushafir 

Lagta bada kamjor tha

kehta 

"Ek cup chai hai?"

jawaab aaya

"Janaab thoda samay lagega."

par kya karta.

Mayushi chupaker muskuraker bola

"Kitna samay lagega?"

hansakar jawaab aaya 

"bas abhi 2 minute aur chai apke paas"

sunkar thodi rahat mili

fir kya tha...

kuch palon mein musafir ke haathon mein 

ek cup thi...

Waise

chai to ek bahana tha

            kyunki kavita ko pirona tha .... 

naye sabdo se pirona tha

par kya karen

thand badi baimaan hai

dimag bhi jama deti hai

to ice-cream to uske liye

             baayein haath ka khel hai

   fir bhi kahungi

 Ek cup chai hai?

Bas ek baat kehni thi
jame hue ko pighlana tha
to chai hi sahi..
wo to bado bado ko
bhi narm kar de....
Kya aapke paas
Ek cup chai hai?

chai hi to hai jo 

hamare desh mein

sarvasammati dwara

thand mein pasand kiya 

jane wala

ekmatra anokha pey hai

jo jane wo bas yahi 

sawaal puche

Ek cup chai hai?

waise chai ke baare

mein bahut hua

aapko lag rah hoga 

chai chai nai 

koi amrat ho gaya 

Kya karun mere liye

to wahi hai

bas akhir mein ek sawaal

kya aapke paas

Ek cup chai hai?":P

Chalo...

Aaao Masti kare,
kal kisne dekha hai
jute pehno, handycam lo
mein phone lekar aati hu
naadiyon ke paas
pahadon ke peeche
samandar ke kinare pe
chalo...


Kuch naya banate hai
rango ko lekar
ek chitra banate hai
neela,peela, hara, gulabi
tum bhi apne rang chuno
kala, safeed, narangi ya bangani
chalo...


Ek aise jahan mein
jahan sirf khushiyan hai
koi gum nai hai
sirf hum ho
aur na koi kami ho
chalo... chalte hai

Kuch naya

Jashan ka sama saara

Hai kuch naya naazara

jhuki palkon se dekha

tha yeh sansaar

ab dikh raha hai kuch naya

bachpan ka bholapan

ab tak nai gaya

bado ki samjhdari

ab tak nai aayi

ab bhi bachon ki tarah

choti baton par khilkhilana

bat bat par gussa karna

muh banana nai gaya

Masti mein kiye majaak

ab bhi ankh mein moti

ki tarah simte hai

kuch baatein abhi adhoori hai

Jashan ka sama saara

yaadon mein ek chota sa sansaar tha

jo le raha kuch naya aakar hai

Fir bhi mein kehti hun

Hai kuch naya naazara

kyunki

Jashan ka sama saara

jo humko hai nai bhulana